楊秀惠、莊思敏（Jacquelin）及柯嘉琪等昨日亮相婚紗活動，秀惠以透視婚紗性感行騷，問到穿婚紗會否恨嫁？她自爆被新劇拍檔陳豪催婚兼催生B。至於何時與男友結婚？自認恨嫁的她說：「結婚要同經理人度期，我年紀唔細，但隨緣。（被求婚？）如果有人求婚即刻「舌累」飯應！講笑！如果係應該好Sweet，但未有。」

楊秀惠着透視婚紗行騷，性感露背勁有睇頭！

另外，擔任嘉賓的Jacquelin表示隨時想結婚，目前正努力約會及擺桃花陣，未有人追的她接受「長短腳之戀」：「唔好矮我一個頭就得。（拍拖唔着高跟鞋？）冇所謂，我同黃宗澤拍劇，佢望到我着平底鞋就讚我乖。（佢蜜運中？）冇問，見佢幾精神同開朗！」