汪詩詩出席Max Mara活動時透露，丈夫甄子丹正身處南美洲的多明尼加共和國拍戲，問到為何不陪丈夫？她說：「來回要坐成60幾個鐘飛機，我唔去呀！我同小朋友都有同佢FaceTime。（怕唔怕有熱情女郎埋老公身？）我唔介意，咁代表我老公有吸引力。」她又透露女兒在社交網站看到子丹的騷肌肉相時，會問她爸爸為何沒穿衣服：「我都好尷尬，同佢講話因為爸爸係特別o既亞洲演員。（子丹話你鍾意佢有肚腩仔？）係呀！咁我都可以食多o的嘛！」另外，提到近期多宗學童自殺新聞，詩詩表示有留意，平日會像朋友般與子女溝通，至於小朋友可有表示有壓力？她說：「少，我好少畀壓力佢。」

未與子丹同行的汪詩詩透露有以FaceTime見面解相思之苦。