討論區上有一名女子Tasha發文提及與前亞視高層盛品儒過往有段關係，Tasha更聲稱自己有BB！據知，盛品儒確實與Tasha於婚前認識，婚後亦有保持來往。然而月前其太太蔡一鳳公幹期間，盛承認有相約Tasha出來見面，但沒有詳細交代二人是否有深入關係。

被爆偷食後，盛品儒拖着老婆出席活動，但蔡一鳳全程面黑黑。

據知Tasha向友人稱很鍾意盛品儒，二人經常在微信聯繫，當中更多次追問二人未來發展情況，但男方總是稱自己忙碌或在外公幹而拒絕與對方見面約會，故令到女方很不滿，自稱似「怨婦」！由於事件曝光，盛品儒被迫向太太交代，而且向太太認錯，還表示會為事件深切反省，更自嘲跪了成晚玻璃，雙膝破了！

據知，蔡一鳳為此盛怒，因其老公曾有前科，但亦無可奈何，只好選擇相信老公。他們更去銅鑼灣睇戲解悶，相信盛品儒因知錯而十分識做，全程拖住老婆，期間表現親密，似乎經過冷靜後，蔡一鳳最後決定相信和接受老公的解釋。

蔡一鳳以電話短訊回覆：「呢件事等我老公自己搞掂，始終係佢先清楚事件！（對方是否真的懷有盛品儒骨肉？）這個應該不可能，只是一起飲嘢，呢位女士有啲問題！」再問盛品儒有否向她認錯及原諒對方？她答：「你問我老公，佢會識得答，呢個問題我依家其實真係答唔出。」不過，二人於晚上在澳門活動，蔡一鳳全程黑面，與盛品儒沒多交談。而盛品儒則未親自回應。