唐貝詩（Lydia）自從去年正式進軍影壇後愈操愈Fit，能夠達致今日的Fit爆身材，當然下了不少苦功，Lydia說：「我有私人教練幫我Training，主要做Muscle Training，仲會做帶氧運動，例如游水、跑步同埋打拳，教練識得針對我嘅身材去幫我Keep，我定期都會去Train吓，如果要拍戲或者有Job就會做多啲帶氧運動嚟減肥。平日我淨係早餐食澱粉質，午餐間中都會食吓澱粉質，但要減肥嘅話早餐後就唔可以食澱粉質同水果，早餐一定要食澱粉質，如果Cut晒反而會減慢消脂。咁其實仲有好多嘢可以食嘅，刺身、肉同菜都可以食，牛油果嘅Fat好有益同健康，要戒醬油同油。我不嬲係肥妹仔，最肥試過120幾磅，都唔敢度腰圍。最瘦就係上年拍廣告時，因為係一個禮拜前通知要拍，嗰個禮拜好勤力做運動加埋節食減肥，減得好犀利，減到頭暈。」

熱愛瑜伽的Lydia表示，常做帶氧運動及節食減肥。

進軍影壇後Lydia愈操愈Fit，原來有私人教練幫手。