陳敏之昨日為新劇《親親我好媽》拜神，談到最近有學生疑因讀書壓力輕生，她自覺情緒易受影響，會選擇避看相關新聞，擔心睇太多會害怕生BB。

受近日學生輕生悲劇影響，陳敏之已經諗定將來要教小朋友面對逆境！

陳敏之和江美儀等演員齊齊為新劇拜神切燒豬。

陳敏之、江美儀、黃智賢和米雪等昨日出席無綫新劇《親親我好媽》拜神儀式，陳敏之飾演獨力湊大十多歲兒子的訓導主任，對兒子管教嚴厲。談到近日接二連三有學生輕生，問到會否影響生育計劃？她說：「我都想生BB，順其自然，會避開跳樓、自殺呢啲新聞唔睇。」自覺易受影響的她除了擔心生BB，更擔心香港讀書壓力太大：「同其他國家唔同，如果將來有小朋友，要想辦法令佢心靈、身體健康，讀書叻唔叻事小，最緊要學做人。」

江美儀與黃智賢在劇中飾演夫妻，育有一對女兒，兩人大讚劇中兩位女兒有演戲天分，拍攝順利，又認為新劇緊貼現時家長情況，希望可盡快播出，相信觀眾會有共鳴。

江美儀望家長放鬆

江美儀飾演「怪獸家長」不斷催谷女兒讀書，對於最近接連有學生輕生，她說：「依家啲小朋友冇晒私人時間，有朋友個仔8歲因為疲勞過度發燒入院，另一個朋友就因為個仔成績唔好，自己高血壓入院，其實小朋友係白紙，你放鬆、佢就放鬆。」

文：影視組