歌神陳奕迅（Eason）前晚風騷現身尖沙咀，出席他有份配音的電影《功夫熊貓3》首映，心情大靚的他在簽名板上代缺席的成龍簽名，並畫上V字手勢公仔，其後又拿起大會贈送的乒乓球仰頭「吹乒乓」，非常搞笑！

Eason示範「吹乒乓」，成個大細路咁！

陳奕迅

問到送了甚麼禮物賀老婆徐濠縈生日？Eason說：「送咗時間，時間就係最好嘅禮物！今年連花都冇，陪佢囉！或者唔應講『陪』，應該講係『相處』！（唔帶囡囡陳康堤睇戲？）佢有話想睇，我睇吓有冇贈券。」他又重提早前為麥當娜站台的事：「我冇諗到自己條褲褲襠唔係咁鬆，所以一嘢隊咗落台，隻腳到依家都敷冰，我都唔弱，蜈蚣彈到呀！其實我即使彈唔到，我都預彈到為止！」