張智霖（Chilam）昨日出席代言產品活動，吸引大批粉絲圍觀。他透露稍後會錄影內地節目，並自爆曾接詐騙電話﹕「佢問我知唔知佢係邊個，我話梗記得啦！仲同佢吹咗一陣，又同佢講借咗我啲錢唔使還喇，最終佢知我冇上當，就自行收線。下次再接到呢啲電話，應該Mark低佢電話號碼然後報警求助。」

Chilam撩女仔？哦～原來見到得意小妹妹父愛爆棚啫！

Chilam和市民齊齊乾杯。

問到危機意識是否一直很強？Chilam靦腆地說：「試過以前拍《射鵰英雄傳》，趕戲之下好多日冇瞓仲要揸車，結果撞到對面線兩架車，發生意外後即刻成個人醒晒，好彩大家都冇受傷，呢件事後我就好小心駕駛，有需要就請司機。」