黎美言（Winkie）是今次真人騷節目的8位參賽者之一，但自節目開拍以來，其兇狠的格鬥方式屢受狠批，更被指「犯眾憎」！Winkie在昨日的宣傳活動上坦認因此感到「是非」壓力，並自稱因操練過度而患胸膜炎，比賽期間更扭傷腳趾公！

雖然屢被指犯眾憎，但Winkie拒為打傷對手而道歉。

提到「犯眾憎」的惡名，Winkie自認曾有所聞：「有聽過對我不利嘅消息同威嚇，真人騷好大壓力，清者自清，我係認真參加比賽，自問冇做乜唔好嘅事。」

她強調不會就此向任何「對手」道歉，堅持比賽已簽生死狀，參加以「唔怕死」為原則：「我對得住自己嘅良心，我控制唔到其他人嘅諗法，一句說話唔同人Get到唔同嘅嘢。（打傷人唔使道歉？）我個人好心軟，如果我令到人哋唔好，我會道歉。」