范振鋒（Ricky）與葉文輝（啤梨）日前出席活動宣傳道路安全，啤梨自爆當初因不想穿上芭蕾舞的「現代褲」而考慮放棄學舞：「讀演藝學院時要學4年芭蕾舞，我最怕着嗰條『現代褲』，因為着咗會勒住下身，都幾痛！而且下體現形有啲尷尬，好在最後都諗通咗，為藝術作出犧性！」問到學芭蕾舞時可有趣事？他自爆曾遇上同性示愛，對方是菲籍男同學：「好記得佢同我講『終有一日你會愛上我！』（咁你最後有冇愛上佢？）少少都冇囉！我一直有女朋友！」問到可介意被誤會是「基民」？他說：「冇嬲，之前都有傳媒誤會我係同性戀者。」

啤梨曾吸引同性示愛，仲話「終有一日你會愛上我」，唔知好嬲定好笑！

同場的Ricky曾擔任交通安全大使，不過在無心之失下觸犯交通條例，被罰款及扣分，他說：「冇分就唔可以再揸車，冇車揸就好似跛咗咁！」他又透露簽了新公司後多了嘗試幕後工作，現正忙於為新片剪片，稍後會飛抵瓦努阿圖拍電影：「做監製，太太都會去，因為佢有份演出！」問到可會趁機在當地造人？他說：「睇情況啦！」