邱美薇（Chelffy）早前放假與友人到泰國玩足5日，不時被當地人誤會是同鄉！她因避雨走入餐廳而巧遇當地著名樂隊主音，一拍即合的兩人更交換聯絡方法，可惜外表洋化的Chelffy拒絕發展異地戀！

邱美薇與泰國樂隊主音Pex一拍即合，唔通真係「同鄉」三分親？

邱美薇

去到美食天堂泰國，Chelffy密密食大飽口福！

Chelffy在河邊體驗水燈節盛況。

擁有小麥膚色的Chelffy在泰國吃喝玩樂，不時被誤會是當地人。

藝人邱美薇早前放假與朋友到泰國旅遊，全程吃喝玩樂兼四處觀光。她們除了盡情品嘗當地美食外，又到水門市場濕平，擁健康膚色的Chelffy自爆在當地不時被誤會是泰妹：「連續幾日行街都有泰國人同我講泰語，我用英語講自己係香港人，佢哋先用番英語同我溝通！」

在5天的旅程中，最令Chelffy難忘的是如同電視劇情節般，因避雨走入餐廳而認識到泰仔！事緣當時正值當地的水燈節，她專程到訪位於河邊的寺廟參觀，參觀完後卻下起大雨，她只好走入一間餐廳避雨：「入面有好多年輕人，我入到去買嘢食，見到佢哋雪櫃有手工啤酒，就多口問吓老闆。之後我哋繼續吹水，傾傾吓先知佢原來係當地著名樂隊Zeal嘅主音歌手Pex，餐廳係佢同隊友夾份開，佢仲請我飲酒同食嘢，又介紹朋友畀我識！」

中泰音樂Crossover?

她指彼此都是年輕人，相處融洽：「我哋好多文化交流，話題亦離不開香港同泰國嘅娛樂圈發展。臨尾佢仲幫我哋Call的士返酒店，最後仲交換咗聯絡方法，都幾難忘！（有機會就考慮搵對方合作？）應該都幾好玩，我外形又咁『入鄉隨俗』，應該叫佢寫首泰語歌幫我喺嗰邊發展！香港人聽到泰語都覺得好好笑，當係娛樂吓大家都好！（你接受異地戀？）其實泰仔都幾細心同健談，不過溝通上始終英語有限，我又唔識泰文。」

文：音樂組