「星二代」唐貝詩（Lydia）自小因為母親寇鴻萍的關係而經常面對鏡頭，被誤以為充滿經驗的她去年才正式闖娛樂圈：「舊年簽咗電影公司，第一次拍電影。（難唔難？）覺得唔難，角色係做一個新入行嘅記者，自己本身都係新入行。」問到與資深演員合作，可會加重壓力？她說：「唔會驚，反而佢哋演技好，可以帶到我嘅感情出嚟！」

影壇新丁唐貝詩毫不怯場，全靠前輩帶住入戲！

回想起拍攝趣事，Lydia對電影的後期製作讚不絕口：「原來好多嘢嘅配合，平時睇戲係冇察覺到。拍戲唔係順序拍，係拍咗後面先拍番前面。以前聽朋友講睇首映嗰時先係第一次睇部戲，原來係因為拍嗰時比較散，後期製作真係好犀利！」

場地：L16餐廳

髮型、化妝：Shanny Au

服裝：Duier