藝人陳婉婷（Hebe）將接拍無綫新劇，由於早前新年胃口大開，她呻足足重了五磅，近日要勤打泰拳減磅：「打泰拳對消脂同練肌肉線條特別有幫助，配合清淡嘅飲食，希望可以喺拍劇前減到磅。」她又表示鍾情運動類型男：「會加分，因為想另一半鍾意運動，可以拍拖做運動，幾Sweet！」工作方面，她坦言恨做型格「打女」：「想挑戰古裝劇嘅俠女角色，着古裝打功夫好有型，今次新劇終於可以試吓做打女。（怕唔怕整親?）冇得怕，為咗效果冇得錫身，但我會小心。」

陳婉婷

練開泰拳的陳婉婷，一償所願做打女。