有食神啦！今集《東網電視》節目《娛樂onShow》主持俞詠文，與歌手JW、女攝影師小雲及前男子組合Bliss成員Oscar齊齊食住講美食！JW自爆一度以為田雞是雞，而小雲更搞笑，竟然咁大個女都未食過水果！

Oscar（左起）、攝影師小雲和JW一邊吔點心，一邊暢談食經！場地：金頤小館

眾人與主持Angela分享飲食習慣。

民以食為天！今集《東網電視》節目《娛樂onShow》請來歌手JW（王灝兒）、女攝影師小雲及最近轉行賣生煎包的前男子組合Bliss成員蕭潤邦（Oscar），與主持俞詠文（Angela）大談食經！笑言「西餐、中餐、日本餐咩都食」的JW，唯一一樣不能放入口的就是田雞，更自爆兒時被爸爸「呃食田雞」而留下陰影：「我以前嫲嫲煲咗田雞飯，我以為田雞即係雞，當時爸爸畀咗隻『雞』腳我，我食落覺得好奇怪！我問爸爸，田雞英文係咩，佢話係類似Frog，我聽到我完全接受唔到我要食青蛙！我好怕青蛙！」

小雲唔吔水果

至於小雲更誇張，由手抱嬰兒開始就揀飲擇食，亦從未食過水果，她說：「我手抱BB嗰陣已經唔食，我會吐出嚟！」此時眾人大吃一驚，JW問：「咁你飲過果汁未？」小雲笑說：「假嘅我會飲，好似檸檬茶咁。Pizza如果有菠蘿，我都會唔食。」至於Oscar最近的生煎包店成績非常理想，更在短期內開了多間分店，贏得「生煎王」的美譽！如果想知更多，請Click入《東網電視》觀看《娛樂onShow》！

文：專案組

場地：金頤小館