鄭裕玲、農夫、黃心穎及張秀文等昨日出席節目《Do姐有問題》記者會，心穎即場試食蠶蛹、「鼻屎味糖」等食物，嘗畢「鼻屎」她笑說：「應該唔係咁嘅味喎！」在節目中品嘗不少「特色」食物的她說：「我就唔雜食，好專一，好易養！」而張秀文則為節目到台灣拍攝，惡戰最臭的臭豆腐：「都難頂！佢個名叫『臭膏』，有15級臭，成督爛晒，仲要係綠色，聞到都好想嘔，有台灣工作人員真係嘔咗！」甚有「口福」的她更在當地烤肉店接受特別服務：「有兩個男侍應哄到好埋咁餵我食嘢，搞到我好尷尬！」而鄭裕玲（嘟嘟）亦為節目品嘗了不少美食：「鮑魚、花膠、龍蝦都有食，係點名唔食魚翅，最難食就係『走難包』！」身旁的農夫即笑說：「嘟姐啲口味好怪，蟲同臭魚都食，反而包就難食，難觸摸！」

農夫再夥拍嘟嘟，相信會擦出不少火花。

黃心穎即場玩試食遊戲。

張秀文即場玩試食遊戲。