歌手鄭俊弘（Fred）早前冒住寒風在碼頭拍攝新歌《炮火》MV，導演要求他與樂手企在小型貨車上夾Band，吹足九小時海風的Fred不但沒有埋怨，反而大叫好正：「好有當年夾Band嘅感覺。」由於今次是Fred親自作曲，故能獲唱片公司老闆何哲圖收貨令他很開心：「膽粗粗Send首歌畀老闆聽，點知佢話可以放喺新碟入面，真係好開心。」開心事一浪接一浪，Fred報喜指新碟已加印第二版，還會添食再舉行簽唱會，不過今次會聯同師姐吳若希一齊舉行。

剛拍完新MV的鄭俊弘，稍後將與吳若希一同搞簽唱會。