周秀娜（Chrissie）近日被傳撻着城中富二代，又指身家暴漲搬新屋等。Chrissie昨日宣傳新片時澄清目前仍是單身，但直認有追求者：「我交朋友冇理人哋係咪富二代，（有人追？）有追求者，但都係朋友，而且已婚男士唔會成為對象，因為我抗拒。（有冇拍拖？）依家冇，未有適合同未開始發展，（緋聞）嚇走好多人。」

提及被指身家暴漲，得以「上岸」搬新屋？Chrissie表示有為家人在港置業，但並未為自己買樓，又指有意在香港及北京置業。Chrissie表示不想其工作夥伴的努力被抹殺：「身邊好多人支持我，未必係資金上，可以係心靈上。（搞內衣生意同喺北京設工作室都係用自己錢？）唔可以抹殺我Partner嘅努力，我一個人做唔到咁多嘢。（賺錢暴富上岸？）身形唔好暴脹就得。」