吳若希昨日在網上晒Bra,隨即引來網友熱論,質疑她「冇咁大個胸就不要戴咁大個Bra」!不過她就得到內衣店老闆周秀娜力撐,並大方分享谷胸心得!

被嘲「平胸」的吳若希,偶爾都谷出「小饅頭」。

近年頻頻北上掘金的周秀娜,有意於京港兩地置業。

新一代「話題女王」吳若希(Jinny)愛跟網友在網上互動兼博Like,亦因此常捲入風波,昨日她又有新搞作,在網上大晒兩個Bra的相,寫道:「第一次有人推薦內衣給我,謝謝唐貝詩,着落又幾舒服。」隨即惹來網友瘋狂熱議,有人笑她是「飛機場」及「旺仔小饅頭」,有些則估個Bra是C Cup,並謂「物以C為貴」,但有人質疑她冇咁大個胸就不要戴咁大個Bra:「你的胸有這麼大?」「好大個Bra,你確定合身?」

認戴Push Up Bra

Jinny昨日接受電話訪問,對於被質疑內衣不合Size,自稱上圍是34B的她指已試身:「呢兩個係度身訂造,好Fit Size,係品牌送畀我。(話你平胸唔開心?)唔會。(啲留言負面?)擺得出嚟就任大家評論。(着上身自信返晒嚟?)冇咁諗。(甫相又博Like?)得唔得到Like唔係重點,重點係開始覺得要收番廣告費。」她承認有時穿晚裝會戴Push Up Bra:「好少真空,都係安全至上,唔會為谷而谷。」

而身為內衣店老闆娘的周秀娜就力撐Jinny:「身材唔可以靠目測,因為唔準確,佢嗰個係功能性內衣,專業人士揀,所以係Good Fit。」她表示只要揀對內衣能令身材好睇,隨即醒兩招:「第一可以選擇買半杯嘅Bra,第二就係搵我,我公司大把選擇!」至於送Bra給Jinny的唐貝詩表示自己都是該品牌用家:「呢個Bra好啱着晚裝,因為可以修腰,唔會唧出一舊舊肉。」她否認覺得Jinny胸細才送Push Up Bra給她。

交稅六位數嗌肉赤

不過,Jinny在昨晚突然刪去內衣相,並上載稅局發出的追收稅款通知書,她說:「刪相係因為涉及廣告,唔關網友留言事!我亦唔係欠稅,係頭先上網交咗六位數稅,好肉赤!」

文:音樂組