蔡思貝及陳瀅前晚錄影《Sunday好戲王》，以大攣毛示人的蔡思貝被取笑是否電親自己？她自嘲是發電廠漏電所致，在節目上扮梅艷芳的她特意上網重溫梅艷芳的表演偷師。而陳瀅在節目扮演經典人物「西瓜刨」，前一晚更翻睇粵語片做足功課，笑言沒有中六合彩故要贏出比賽！至於有否叫男友何猷亨前來欣賞？她說：「我叫咗好多Fans嚟！（叫佢睇電視？）我會叫所有觀眾同埋朋友留意！」

蔡思貝以爆炸頭Look現身，自嘲是發電廠漏電。

另外，蔡思貝與高海寧昨日出席無綫myTV SUPER電視盒子活動，二人均表示有意安裝，因方便煲新舊劇，蔡思貝在劇集《潮流教主》中再被指聲線過高，她表示仍未能掌握用聲：「唔知原來把聲入咪會變成咁，會注意！」她又否認劇集是抄襲日劇。問到《愛˙回家》導演Gary被指在拍攝外景時對魏焌皓動粗，曾與Gary合作的高海寧指對方是對工作認真及有原則的人：「佢冇鬧過我。（出手唔係咁好？）可能係男人同男人之間嘅溝通方式！」