藝人麥長青（麥包）、吳國敬、范振鋒和太太李思欣等昨日為餐廳開幕剪綵，麥包透露與股東合資逾百萬港元開設餐廳，因年紀漸大，當演員亦沒有保障，故為積穀防饑才作不同嘗試：「本身有做開地產、商場推廣，鍾意同人吹水講計劃，有人叫我『商場醫生』，最開心試過有外國人買咗我個推廣計劃。（應該向無綫或亞視獻計！）喺佢哋眼中我只係演員。（咁有商業頭腦唔使拍劇咁辛苦！）希望同唔同人合作，有唔同火花。」

麥包（左起）、吳國敬、李思欣和范振鋒齊齊撐餐廳開幕。

而曾投資不少食肆的阿范自嘲雖然大部分餐廳已執笠，但仍沒氣餒，問到是否棄影從商？他笑說：「唔係，之後都會專注番娛樂事業，我有唱歌同電台主持，做生意就長遠啲，希望將來開間『范氏娛樂製作公司』！」