馬國明昨日在無綫myTV SUPER記者會上，被問到早前與佘詩曼拍攝的微電影《愛情來的時候2》會否成為該網絡平台頭炮之作，他笑說：「唔知，淨係知會喺度播。（阿佘告別作？）佢四月都開工重拍劇集《千王之王》啦！我都有份拍，我成年冇拍劇。」問到是否被公司掟入雪櫃？他連聲否認，直言與無綫尚未滿約，加上公司陣容強大，有不少新人而已，更透露拍罷《千》劇後，七月會再接拍新劇。

馬國明劇接劇，梗係冇被掟入雪櫃啦！

對於《千》劇角色，馬國明揚言想跟阿佘在劇中談情：「想有感情戲，之前同佢都係拍好短嘅單元劇，佢演技係毋庸置疑。（套劇都有前輩謝賢喎！）同佢會有對手戲，黃浩然都有份拍，我唔驚畀謝賢摑，劇情需要就任摑啦！（驚對方脾氣大？）唔會！長輩通常好好人，我阿媽都鍾意佢。（帶媽媽探班？）佢會問我去邊拍。」