無綫收費機頂盒myTV SUPER與免費電視ViuTV昨日不約而同宣布四月開台，電視大戰即將開火！據知，無綫除了以數百萬元購入李英愛主演的韓劇《師任堂》外，更會推出創意節目，由藝人自拍短片以「格仔舖」形式在節目播放，十位最高點擊藝人將可瓜分二百萬獎金。

陳敏之發揮創意，諗計拍片教人整曲奇。（資料圖片）

吳業坤揚言會以珍藏漫畫作招徠。（資料圖片）

無綫舉行記者會宣布myTV SUPER下月推出，大批藝員撐場。

高海寧提到鄧智偉，笑言面都紅晒。

吳若希澄清與鍾嘉欣沒有衝突，而鄭俊弘則大談新碟將加推第二版。

無綫總經理鄭善強稱myTV SUPER投資以億元計，不擔心競爭。

無綫藝員馬國明、高海寧、蕭正楠、黃浩然、蔡思貝及劉佩玥等昨日在尖沙咀出席myTV SUPER宣布4月18日正式推出的記者會，共有20條頻道提供高畫質、無縫重溫等功能為觀眾帶來嶄新體驗。

買《師任堂》播映權

myTV SUPER除了自家製作節目，包括與騰訊合拍的網劇《使徒行者2》，還會外購中、韓、台及日劇，據知無綫花費數百萬元購入由相隔十一年再拍劇的李英愛主演的韓劇《師任堂》播映權，新劇更會緊貼韓國出街後八小時在香港上架。此外，又會推出創新節目考藝人創意及加強與觀眾溝通，節目以「格仔舖」形式讓藝人自拍短片在節目中播放，好似吳業坤唱功了得，將節目變成自己的演唱會；身為曲奇店老闆的陳敏之大可推銷曲奇，然後統計全年點擊率最高的十位藝人，將可瓜分二百萬獎金。

無綫總經理鄭善強透露myTV SUPER投資以億元計，估計兩、三年可回本，不擔心競爭：「我哋好有信心，相信可以帶畀觀眾新體驗，畫面又靚，操作又方便。」

對於有機會為其曲奇拍片播放，敏之坦言正開始諗諗有甚麼特別形式及角色去拍，想有創意及生活化一點：「我都諗過可以喺條片度同啲曲奇師傅齊齊教人整曲奇，依家咁多觀眾鍾意睇飲食節目，不過我想有創意同得意啲。」問到有否信心贏獎金？她說：「嘩！吳業坤網上都好多Fans喎！佢一定好多人睇，不過我都有信心，十個之一我諗我都好大機會入圍！」而坤坤則說：「我會攞我啲珍藏漫畫出嚟玩，都有成百幾本！會賣得好平，都係二手價20蚊本啦！仲會隨送免費任摸，不過就唔可以摸敏感位置喎！我要呃Like，惟有出呢招絕招啦！（有冇信心成為首十位最多Like嘅藝人呀？）冇信心呀！因為我渣囉！」

高海寧煲劇唔約鄧智偉

另外，宅女高海寧笑稱日後有機頂盒就能盡情在家煲劇，問到會否相約緋聞男友鄧智偉一齊煲劇？她面紅地說：「緋聞嚟啫！（約佢煲劇？）人哋好忙，唔得閒同我煲，我專心自己煲。（你有約佢煲劇？）冇約，搞到人面都紅埋！（同鄧智偉表現咁曖昧？）邊有曖昧，做嘢先。（未揀定男友？）睇定啲先，我通常冇咩緋聞，唔想緋聞關係咁茂盛，畀啲空間我。」對於電視大戰，她說：「對公司有信心，TVB喺香港同海外都係好強大嘅平台，多年嚟表現好穩定。」

而吳若希否認有傳因公司力捧她，令鍾嘉欣意興闌珊決心嫁人，她說：「同嘉欣冇衝突，佢會返嚟嘅，反而好羨慕佢有事業、有家庭，以佢為目標。」鄭俊弘則透露新碟《當狗愛上貓》報捷，將會加推第二版。

文：影視組