余安安及潘燦良昨日出席《香港話劇團劇季發布會》時透露，將重演去年演出的劇目《最後作孽》，稍後更會到北京及天津公演，問到是次演出有何不同？安安說：「會重新編排過，希望深層次啲，啲衫都係新嘅，出動私伙。（Cover到酬勞？）唔計呢啲啦！」

余安安與潘燦良將到內地公演，重演作品。

提到里奧勒度狄卡比奧（Leonardo DiCaprio）首奪奧斯卡影帝，安安笑言猜中了影帝、影后及男配角得主，卻沒有心水女配角：「本身好鍾意里奧仔，咁多年啦！佢應該拎！唔係話佢提名咗好多次，而係真係演得好，落咗好多心機，值得拎呢個獎！」