羅嘉良自2009年無綫劇《富貴門》後暫別無綫，相隔七年回歸擔正新劇《與諜同謀》。他昨日偕女主角李佳芯、黃心穎及鄭俊弘等於將軍澳電視城出席劇集開鏡拜神儀式時表示，由於角色相當吸引，故不惜推辭三部內地劇回歸兼敍舊：「有清裝、古裝同時裝。（有冇八位數？）唔講啦！我一向都唔講數字。」他又自爆駕車回電視城時迷路，相當失魂，他說：「有一段長時間冇返嚟。」

李佳芯首次拍住羅嘉良擔正，就算被指執二攤亦絕不介意。

《與諜同謀》一眾演員齊出席劇集開鏡拜神儀式。

黃心穎為劇集剪短髮，一樣咁靚！

鄭俊弘演奸角

另外，繼《律政強人》後再次擔正的佳芯自覺幸運，短短三年多時間由低做起，又慶幸演過小三及狐狸精突出自己。至於早前有關她頂替楊怡的傳聞，她亦表示不介意「執二攤」：「我要求唔高，有得執都好好，最緊要角色好玩有發揮，每個人演繹都唔同，我會有自己嘅方法演。」鄭俊弘和黃心穎分別飾演羅嘉良的兒子及女兒，鄭俊弘更劇透將與嘉良鬥爭，角色亦正亦邪；而心穎亦為新劇剪髮，一改廿年長髮形象。