「廣告寵兒」陳家樂日前為代言打印機品牌拍攝廣告,連任代言人的他興奮自爆加人工。家樂考獲車牌翌日即要為廣告獻出「第一次」,但當時因扭不到軚一度搞到交通受阻,令尾隨司機稍有微言,後來竟發現車上的是偶像劉松仁!他笑言要找對方「補鐘」:「佢一見到我就話『乜咁唔小心,下次小心啲!』有機會要搵佢補鐘!」問到若多接載女友余香凝,是否能工多藝熟?家樂怕醜地說:「買車先啦,搵多啲錢先買,目前借朋友嘅車嚟練習。」

陳家樂拍攝駕車一幕,表面好型,但原來剛考到車牌的他好騰雞。