黎明昨日以「香港影視娛樂博覽大使」身份出席記者會。他於台上與司儀方健儀聊天，不忘發揮金句王本色：「有啲嘢做唔到就唔好講，盡力做咗而唔講、人哋睇唔到亦唔好做，但影視娛樂博覽為本港娛樂業製造咗好多機會，對成個娛樂圈亦有利益，大家就要支持喇！」隨後他說：「我跳咗線，但冇離到題喎！」

黎明又拋新金句，各位粉絲接招啦！

方健儀表示已和黎明合照，向是其粉絲的妹妹示威。

談到最近於Facebook成立個人專頁，黎明搞笑地說：「每個人對智能科技嘅觸覺唔同，有人反應慢啲，當好多人唔玩Facebook我先走去玩，唯一嘅好處係對手少咗﹗」事後記者問方健儀是否聽得明黎明說話的「玄機」，她說：「佢都係想幫手宣傳今年唯一一架影視娛樂博覽流動宣傳車啫。其實佢係我妺妹嘅偶像，今日知道有得同佢傾吓偈，我好興奮，頭先集咗郵，諗住攞張合照同妹妹示威。（睇佢演唱會？）想呀，佢啲歌陪住我哋成長嘛，今次係我第一次見佢真人，覺得佢保養得好好，凍咗齡一樣，份人又Nice。」