1億金多寶係人都想中,一眾藝人若中了獎,又如何使用這筆橫財呢?

黃心穎

湯洛雯

李佳芯

天堂鳥

黃心穎:「揀號碼唔會刻意,見到就圈,唔會填生日日子,仲會買串燒號碼。中獎首先捐幾百萬,一半畀屋企人,我會放一年大假周圍飛,想去邊就去邊,仲要買樓自住同投資。另外我想開一間學校,我覺得現時教育好短缺,但好重要,可能我會喺入面做吓老師,呢個都係細個嘅一個心願。」

湯洛雯:「即刻買磚頭,買屋畀自己有安全感,之後會畀屋企人啦!環遊世界啦!如果仲有錢,我希望開一個庇護所畀啲貓,我好鍾意貓,有好多流浪貓冇屋企住,流浪街頭畀人趕畀人虐待。」

李佳芯:「其實我個人好簡單,我想歸隱田園,我可以喺嗰度種嘢,自給自足,當然要有間屋啦!或者中咗飛去杜拜,搵個油王,咁咪可以做到自給自足囉!」

男子組合天堂鳥(BOP)昨晚到荃灣一間投注站買六合彩,笑言贏得彩金後希望盡快買樓「上車」。