六合彩億元金多寶今晚開彩，無綫藝人陳婉婷昨日梳周潤發All-back賭神頭到尖沙咀投注站下注，又買了3、28、38等「8」字尾號碼，希望諧音「發」可令她發達！她又指若中1億不會「潛水」，會買樓送給家人。

陳婉婷專攻「8」字，想唔發都唔得。

丁悅由內紅到外，希望旺氣能為她博得1億彩金。

何國鉦偏愛冷門號碼「4」字，幸運號碼呢啲嘢又真係難講嘅。

而歌手丁悅指不會「假手於人」，昨日她親自到樂富投注站，花30元買手寫及電腦票。除了穿上紅衣外，又自爆「姨媽」到，旺上加旺！一直租屋的她中獎後希望「上車」，但亦會做善事：「我去開狗場幫手，所以會幫吓流浪貓狗同老人家。」

至於時裝設計師何國鉦則向來有賭運，但他反傳統偏愛「4」字，他透露除了與趙曾學韞等幾位朋友夾100元買六合彩外，亦會再補飛：「去投注站要揀人買，要揀個頭耷耷嘅人買，啲人運氣差，你先有機會贏！」