由鄧特希監製的新劇《隱世者們》昨日於上水貨櫃場取景，劇集主角吳啟華、陶大宇及宣萱等總動員出動，大宇透露會以一場類似「天津大爆炸」的大場面做故事結局！惟昨日貨櫃場「滿沙紛飛」，怪風一刮即捲起遍地沙塵，致使演員開飯都要靠貨櫃遮擋企住食！但醉翁之意，眾人依然傾得開心，沒進膳的啟華亦參與其中，言談甚歡，重見當年合作無綫劇《壹號皇庭》的融洽畫面！

吳啟華（左）和陶大宇曾在《壹號皇庭》中合作，拍攝氣氛融洽！

一眾演員以貨櫃作遮擋開餐，雖然要企，但有講有笑非常愉快！

《隱》劇拍攝接近尾聲，大宇不捨地說：「聚埋一齊有好多畫面，好似尋日發生咁！」而宣萱羨慕蘇永康「易容」的角色設定，即使不到場，其角色也有戲份！演打女的呂晶晶自爆手腳瘀傷，連心口都避不過：「會同武師試戲，可能唔覺意痛咗一下都冇理到。」但晶晶打得過癮，有興趣向打女發展，學懂戴墊防受傷：「冇可能一個打晒o架嘛！一定要係會畀人打！」