樂壇教父顧嘉煇為香港樂壇作出不少貢獻，為傳承他的經典作品，丘亞葵自爆正構思以顧嘉煇的作品，打造一齣全新音樂劇，並交由杜國威負責撰寫。

顧嘉煇筆下首首名曲，由杜國威編撰成音樂劇，值得期待！

汪明荃以一身幻彩鱗片裙上台獻唱，仲嘟嘴扮魚，真係好有美人魚Feel！

秋官挑戰汪明荃的經典歌曲《京華春夢》，不過自嘲唱到似《公公出宮》！

一眾台前幕後開香檳，慶祝演唱會圓滿結束。

樂壇教父顧嘉煇於紅館舉行一連兩場的《顧嘉煇金紫荊慈善演唱會》前晚圓滿結束，為傳承其經典作品，負責人丘亞葵在慶功宴上披露正構思以顧嘉煇作品創造一齣全新音樂劇，已邀得杜國威撰寫：「今次演唱會後，煇哥再辦演唱會嘅機會甚微，今次個唱雖得兩場，煇哥都有壓力，緊張到皮膚敏感，我自己又滿口唇瘡。」不過顧嘉煇樂於轉換新意念，有意製作音樂劇再合作。

《上海灘》紅足36年

呂方和葉麗儀同樣是尾場才現身，呂方因身體不適缺席頭場，葉麗儀再次感激顧嘉煇與黃霑寫《上海灘》這首招牌歌給她：「呢首歌由1980年到依家有成36年，好難得，我充滿感激。」

秋官唱到變公公

汪明荃與鄭少秋壓軸出場，秋官自嘲唱汪明荃的《京華春夢》時唱到似劇集《公公出宮》，汪明荃則自言條件欠佳：「我又唔夠靚，做戲其他人又好過我，但大家唔夠我堅持，堅持好重要！」她其後又風騷扭腰扭Pat扮美人魚並笑說：「美人魚嚟喇！」慶功宴上，關菊英談到曾合作拍劇的鍾嘉欣閃婚：「恭喜佢，佢好乖女。（傳佢婚後淡出娛樂圈？）最重要佢嘅意願，搵到幸福嘅，淡出都好，唔使做仲好！」汪明荃的美人魚裝由設計師陳華國打造，她說：「呢排美人魚Hit，想有啲反應。」談及財政預算案，政府額外撥二千萬到電影發展基金，推動港產電影在內地市場的宣傳，汪明荃指政府支持固然重要，但自己亦不能坐以待斃：「唔係淨係靠政府，好似粵劇一啲政府嘅支持都冇，我哋一樣咁生存，我拍唔到劇就做大戲，冇理由坐喺度等。」

文：音樂組