唐詩詠前晚背住男友洪永城於大坑夜會西裝男，雖然同場還有好友拿拿淋，但他們心情無損邊食邊傾，詩詠更被氹到不時甜笑，但當發現記者時，西裝男即相當尷尬，不時縮埋一邊兼背對鏡頭，醒目的拿拿淋即埋單，其後詩詠煞有介事，刻意與西裝男分頭閃人。

詩詠發現記者後即有些愕然。

詩詠與西裝男及拿拿淋言談甚歡，不時甜笑。

戴口罩的詩詠登上座駕，西裝男則坐拿拿淋車返歸。

無綫小花唐詩詠與洪永城拍拖以來，一直非常甜蜜，但早前有指因蔡思貝介入而傳情變，前晚詩詠背住男友洪永城於大坑夜會西裝男開餐。

當晚約9時，一身Casual打扮、素顏上陣的詩詠，相約前DJ好友拿拿淋於大坑一間餐廳開餐，初時見兩人面對面坐，邊食邊傾，但至晚上11時，又見一名戴眼鏡、黑色紳士帽的西裝男加入飯局，之後拿拿淋坐埋一邊，讓位予西裝男對住詩詠坐，三人又傾個不停，而詩詠與西裝男特別投契，更被氹得不時甜笑。

戴口罩取車

其後，西裝男發現記者拍照，即勁尷尬，不時縮埋一邊又背對鏡頭，後來見詩詠開始不耐煩，醒目的拿拿淋即埋單。詩詠離開時亦戴番個口罩獨自到停車場取車，明顯刻意與西裝分開走，臨上車前她跟記者說：「你哋嚇親佢哋喇！咪影佢哋啦！」而西裝男則一臉無奈，急急腳跟住拿拿淋上車走人。

文、攝：追蹤組