「翻版張栢芝」陶枳樽（Crz）及形象指導許嘉浩（Karl）昨日到中環士丹利行買六合彩，盼扑中一億元金多寶，肖蛇的他倆根據《東網》堪輿學家李丞責的貼士，穿上綠色及銀色的服裝，笑言一億金多寶正呼喚他們，Crz說：「我見馬會門口掘地，我第一次買六合彩，平時都係同人夾份買，因為偏財運麻麻，如果我中咗會去買樓，幫手托吓市。」Karl 表示若中一億會分三份：「第一份做善事，第二份買樓，第三份開一套老少咸宜嘅電影，振興電影業。」

陶枳樽笑言若中了1億金多寶便會買樓。

Karl

羅嘉良

葉文輝

范振鋒

范振鋒夾五百買電腦飛

此外，羅嘉良表示若中一億元六合彩，會上繳老婆，問到可有幸運號碼？他認為中獎全憑運氣，只要夠運，揀任何號碼都會中獎。而曾跟同事以一百博得幾千元六合彩彩金的范振鋒，照舊和逾50位同事夾份投注：「每人夾五百，全部買電腦飛。」問到為何不「獨資」？他說：「相士話我冇偏財運命，咪搭人一齊買囉！」今年有財運的葉文輝投注三百元電腦飛，他說：「今次算係人生最重錘一次，中咗一億就會將部分錢撥畀我個啤梨義工團做經費，剩低嗰啲留嚟作將來結婚用。」