成為人妻的嘉欣狂讚老公，受訪時多次表示「好愛佢」勁肉麻，但愛夫情切的她知老公愛低調而處處維護：「佢平時連同我自拍都唔肯，佢一影相就皺眉，我本來影三個鐘婚紗相，佢都問四十五分鐘得唔得，同我講價！我老公唔鍾意影相、唔鍾意應酬、唔鍾意嘈，佢今日出嚟個心跳到一分鐘二百下，佢成個禮拜冇一日瞓到覺！所以我覺得佢肯為我付出，同埋佢好鍾意小朋友，好孝順，爸媽又好鍾意佢，所以佢係我Mr.Right！（老公點求婚？）太多細節喇！佢唔會鍾意我講，總之好Sweet！同埋好多燈飾嘅地方，儀式做足晒，不過佢求得好喜劇。」除了嘉欣對老公讚不絕口外，嘉欣父母昨晨被傳媒問到對女婿的看法時，嘉欣媽媽即滿意地說：「唔止一百分。」而嘉欣爸爸則笑住未有回答。

嘉欣的父母同樣非常滿意女婿。

Jeremy父母大派利是。