美國女歌手Kesha控告前監製Dr.Luke迷姦一案被判敗訴後，獲小天后Taylor Swift捐錢幫忙，但惹來支持女權的歌手Demi Lovato不滿，寸爆Taylor不切實際！

美國女歌手Kesha兩年前控告前監製Dr.Luke迷姦、精神虐待及操控唱片合約，日前被判敗訴後當場喊爆，小天后Taylor立刻捐出25萬美元（約195萬港元）打救，讓Kesha得以繼續打官司。不過，Taylor此舉卻令女歌手Demi Lovato不滿，更批評她不切實際：「帶啲嘢去國會山莊，或者實際咁發聲，我就會佩服。」

Selena暗撐巨星老友

Demi之後又在Taylor的粉絲Instagram寸爆指，並非人人都像Taylor般富貴，但她隨後否認針對Taylor，認為幫到人才是重點。而Selena Gomez則被指暗地裏支持好友Taylor，覺得對方是巨星。

另一邊廂，Dr.Luke前日亦首度留言否認曾與Kesha發生性關係：「我冇強姦過Kesha，亦冇同佢做過愛，Kesha同我係多年嘅朋友，佢就好似我細妹一樣。」他又指明白為何其他人不清楚事件亦為Kesha發聲，更欣賞他們的同情心，疑似暗寸Taylor幫錯人，還指事件必定會水落石出。

文：外娛組