天后容祖兒及李克勤最近不停來回香港、內地及美國巡唱，忙到甩轆的祖兒在紐約攰到腰骨痛：「痛到郁唔到，最後克勤畀咗兩粒止痛藥救我一命。」自言成為「李鐵人」的克勤說：「幾乎冇乜點瞓，日日都靠飲中藥補身，冇諗過最後一場喺康州演出完竟然攰到腳抽筋。」

容祖兒

祖兒和克勤巡唱期間不忘Shopping減壓。

克勤透露情人節帶了老婆及兩子到大峽谷玩，問到祖兒男友劉浩龍好像也有去美國？祖兒笑說：「佢好似嚟咗一陣，嚟幫人湊仔做保母。」隨即扯開話題踢爆克勤逼大家陪他吃三打生蠔，克勤即笑言是譚詠麟教他食生蠔唱歌有心有力。談到稍後祖兒及克勤拍《我是歌手4》亦要對住，祖兒笑言要買定止嘔丸，怕兩人見到嘔，克勤即潤她：「咁又係，我又唔係呀邊個邊個，點會日對夜對都唔厭！」