周秀娜（Chrissie）昨日在鑽石山荷里活廣場出席《高跟鞋競跑大賽》名人試跑活動，她透露屋企有逾百對高踭鞋：「女仔貪靚，有時返到屋企覺得好似唔係我住咁，全屋都係衫、鞋，都想捐出去唔想浪費。」她透露眾多鞋中，最喜歡首次工作賺錢後花了一半人工購買的那雙：「呢對鞋有好多珍貴回憶，着到殘晒都唔捨得掉，試過着住佢追巴士，追到鞋都甩埋。」Chrissie提到在深圳的內衣店剛裝修好，稍後正式開將，希望下半年再在其他城市開分店。問會否不拍戲專心做生意？她笑說：「唔會，我好鍾意拍戲，除非有人娶我啦！」

着高踭鞋當食生菜的Chrissie，跑起上嚟一啲難度都冇，勁！

與Chrissie相比，兩名穿高踭鞋的男跑手顯得非常狼狽！