將約滿無綫的花旦楊怡近日被傳計劃結婚生仔，昨日她出席活動時表示正在傾續約問題，又自嘲年紀大希望工作可輕鬆些，問到是否心急結婚？她不置可否，但笑言有好日子便會宣布，莫非確實好事近？

楊怡開到口想盡快宣布好日子，謙謙要識做喇！

患上多種紅疹症的Jeannie手臂及腋下有一撻撻紅印。

Jeannie澄清猷亨沒有撇下她在雨中呆等，並默認兩人感情穩定。

苟芸慧（左）以喱士上衣展現女人味，DaDa則一身黑行型女路線。

昨日藝人楊怡、陳瀅（Jeannie）、雨僑、陳靜（DaDa）、連詩雅、鍾浠文、洪卓立、湯怡及陳家樂等出席活動，眾女星悉心打扮，Jeannie穿上透視背心，雨僑則騷美腿，相反身材驕人的DaDa竟包到上頸「峰」頭盡輸！

望拍喜劇輕鬆吓

近日有傳楊怡因想與男友羅仲謙結婚生仔，將不會續約TVB，穿上白色連身裙的她笑言Fit爆身形可證明絕非有喜，並表示合約4月完結，正積極與公司洽談：「冇話過唔續，傾緊，希望輕鬆啲，想每次見大家都精神奕奕。（想爭取咩？）人工當然要開心，但想工作質素好，試更多唔同嘢。希望演開心角色，之前好多喊戲。（想減產一年拍少啲？）唔想太辛苦，年紀大喇！」問到是否正籌備結婚？她哈哈大笑，並賣關子說：「如果真係有開心事會同大家講，我都想承你貴言，有好日子會宣布。」另外，對於有指鍾嘉欣有喜三個月，楊怡表示新春期間有互相傳短訊送恭賀說話，但未有八卦私生活：「要八吓先，係就當然開心！知道嘉欣鍾意小朋友，但應該唔會啩？」

同場的Jeannie手臂、心口及背部皮膚出現一撻撻紅印，她直言皮膚敏感，入院求醫後診斷患上多種紅疹症，但未能確知成因：「食藥食到個人好飄忽，行路都喘氣！醫生話之後會出更多（紅印），依家腳最嚴重，我都怕傳染人。（驚生到上面？）唔好呀！始終靠塊面搵食！」對於密友劉佩玥早前皮膚亦出紅疹，Jeannie笑言必定是被對方傳染。問到男友何猷亨是否心痛？Jeannie說：「同事仲心痛呀！呢個星期好多工作！」

陳瀅甜讚猷亨有風度

提到日前與猷亨及其母親「四太」梁安琪齊齊欣賞麥當娜演唱會，離開時猷亨行先等車，撇下Jeannie淋雨，Jeannie認為只是小事一樁：「佢冇唔理我，當時情況好混亂。（猷亨平時好有風度？）我識得嘅男仔都好有風度。（猷亨被誤會，有冇唔開心？）冇啦！都唔記得啦！真係好小事。」問到兩人是否感情穩定？Jeannie即露出甜到漏的笑容，但表示不想多作回應。

文：影視組