「千億新抱」徐子淇昨日出席活動時透露，新年舉家到了夏威夷旅行數天，到沙灘與海豚暢泳。她透露幼子李建熹在飛機上全程熟睡，並笑說：「佢大昏迷，我間中有用手指睇吓佢仲係咪抖緊氣。」她表示如今只想在家中攬着BB，又指自己的心已被兒子溶化。問到是否孻仔拉心肝？她坦言：「真係。（老公李家誠有冇呷醋？）有呀，有次同老公一齊，我抱住BB，佢問：『到我未？』咁我就畀BB佢啦，點知佢話：『唔係呀，係你理我未？』」問她會否考慮再生B？已剖腹四次的她自爆還可以再生：「醫生話仲生唔生得係睇個傷口，我個傷口好好彩冇黏連，唔關開幾多刀事，我話唔好啦、唔使啦！（老爺李兆基有冇叫你再生？）佢話夠玩。」

徐子淇於新春期間舉家享受陽光與海灘假期，又指幼子李建熹於機上很好瞓。