「待嫁餅女」楊愛瑾（Miki）昨日元宵佳節出席apm《古董禮封囍帖婚嫁珍藏展》，並與新鴻基發展（中國）董事馮秀炎合照。現場展出不少中式的嫁女禮品，問到與未婚夫郭永淳的婚期，Miki說：「會喺年中左右，遲啲會再同大家講。」對於有傳已派喜帖，Miki說：「有人話我派咩？（影到呀！）我知喇！假的，係封信封，唔係帖，類似有張卡畀朋友。」

Miki與新鴻基發展（中國）董事馮秀炎（左二）等合照。

Miki笑言未決定是否組織姊妹團。

對於好姊妹鄧麗欣（Stephy）指她在外地行禮，Miki笑說：「我都唔知嘅，我諗住婚禮好簡單，但估唔到咁多嘢要處理，又冇請Wedding Planner，好彩有朋友同客戶拍膊頭話贊助，唔係都幾頭痛！」她表示籌備婚禮比工作更忙，又指已選定婚紗及拍了婚照，每日似忙足24小時。據知，婚紗是母親送給她的禮物。

此外，Miki表示曾向吳雨霏（Kary）取經：「我有問佢，佢係過來人，佢好幫手，令我慳番好多時間。（搵Stephy、Kary一班前餅碎做姊妹團？）Stephy當然係我姊妹，但婚禮就未決定會唔會有姊妹，因為我想簡單啲。」而剛度過情人節生日的Miki表示郭永淳為她親自下廚，更講心唔講金，未有禮物：「結婚要使好多錢，要慳錢呀！」