忙於操練4月演唱會的林峯昨日現身電台，已減了幾磅的他面頰見凹。他透露新年期間忍口不食蘿蔔糕，只食鮑魚：「戒晒穀物，初初唔慣，好似血糖低，做Gym有少少暈。」昨日是元宵佳節，問到如何跟千語BB慶祝？他說：「各有各忙，節日唔一定要即日慶祝，工作為主。（再減會唔會瘦過佢？）冇可能，我一世都冇可能瘦過佢，就算擺我喺荒島一、兩個月都冇可能。」