黃宗澤（Bosco）、朱千雪和陸永等齊齊宣傳劇集《警犬巴打》，有內地女遊客獲邀上台後不肯離開，原來一直等Bosco「愛的抱抱」，而朱千雪則揀中一名婆婆玩遊戲並助對方贏得金猴。Bosco透露已與拍戲受傷的王浩信通電話，得知他無大礙：「未試過佢咁嚴重。（你最傷嗰次點？）拍《黃飛鴻》打戲時成個人攔腰撻咗喺門檻度唔郁得，真係喊咗出嚟，後嚟唐佳師傅攞藥酒嚟救我。（搵番個女友幫你搽藥酒？）我成日開工又周圍飛，搵女友一定要好獨立，都係搵跌打醫師易啲。」

內地女遊客誓要攬到Bosco先肯落台！

朱千雪化身Pink Lady響應元宵佳節！