鄧麗欣（Stephy）與方力申（小方）昨日拍拖出席Alvin Goh生日派對，Stephy大讚Alvin長期保持六舊腹肌，十分厲害。問到是否嫌棄小方不夠健碩？她說：「冇講，有啲肉地有福氣。」提到好友楊愛瑾（Miki）與未婚夫永安太子爺郭永淳於年中結婚，她說：「佢終於講咗喇！（做姊妹？）佢要我點我都會幫，本身都已經係姊妹。」記者笑指好友中只得她未結婚，小方說：「係時候就會結。（已經秘婚？）嘩！點會呢？成日都答，天王都瞞唔到你哋，我哋又點會瞞到呢！」而同場的兩位人妻吳雨霏及黃婉君不約而同晒性感，問到好友Miki結婚會作何準備，吳雨霏說：「我個人囉！會出席，佢有問我搞婚禮嘅細節。（教佢咩？）流程、點樣寫帖，佢好叻，咩都自己搞！」問到有甚麼人妻之道分享？她說：「錫老公，兩個人要互相尊重、遷就，婚禮係一個開始，大家之後要好好相處！」

曾多次被問及是否秘婚的Stephy及小方，異口同聲表示結婚一定不會瞞大家。

吳雨霏及黃婉君不約而同以白色透視裝現身，大鬥性感。