鄭俊弘、鄭融、梁雨恩、JW及糖妹在猴年第一個音樂頒禮獎先拔頭籌齊獲獎，當中以鮮有性感的梁雨恩最吸睛，雖沒有爆乳效果，但「密乳」罕為貴，透視黑Bra已夠晒搶鏡！

梁雨恩穿透視裝賀攞獎，夠晒搶鏡！

糖妹、鄭融、Fred和Regen出席猴年首個音樂頒禮獎。

昨日一眾歌手鄭俊弘（Fred）、鄭融、梁雨恩（Cathy）、JW（王灝兒）及糖妹等到九展出席《香港流行音樂MV頒獎典禮2015》第二季季選，向來打扮密實的Cathy大解放，以透視黑Bra上陣賀得獎，她受訪時笑稱是「小兒料」：「自己第一次攞MV獎，都係尊重大會先揀件少少意識形態性感嘅衫，做足防走光措拖，好安全。」

「唔會有嘢跌出嚟」

Cathy又稱不會為突出效果而刻意僭建上圍：「我為我平胸而驕傲，再少布都OK，因為唔會再有乜嘢可以跌出嚟。」

Fred恨自導自演

頒獎禮上共有19首歌曲MV獲獎，Fred和鄭融更是首次獲得MV獎，Fred表示有興趣自導自演MV，女主角想邀曾合作過的前輩演員夏萍、白茵拍親情主題MV。

至於鄭融稍後或到美國公幹，更有意在當地取景拍新歌MV：「用相機、手機都拍到，依家都興Home Made製作，唔識咪學到識！」

文：音樂組