馬德鐘昨日現身沙田馬場支持「仁愛堂盃」,他透露老婆張筱蘭因支持兒子馬在驤出戰游泳比賽而未有同行,又表示農曆新年與家人到哈爾濱旅遊一星期,返港後便開始洽談三月份拍攝內地劇的事宜。問到從事演藝事業多年,有甚麼角色很渴望挑戰?他說:「乸型!可能我嘅外形冇乜說服力,不過咁樣反差反而大啲!」而提到兒子遺傳了他的高大身形,會否成為接班人入娛圈?他說:「都有受父母影響,不過佢冇實際講過,佢鍾意嘅話,會話佢知娛樂圈係咩事,每個行業都有困難嘅地方或者發展,唔可以扼殺佢嘅意願,會支持佢。」

難得阿仔遺傳晒高大威猛嘅基因,馬德鐘亦唔介意阿仔入行。