陳奕迅在近五千分之一機會下竟被麥當娜揀中邀上台,全場驚爆狂歡,不過有粉絲在麥當娜的Instagram質疑麥當娜早知Eason是香港巨星,兩人事前應綵排過,否則表演不會如此精彩。Eason經理人甘菁菁澄清:「根據Eason話我聽係唔知嘅,因為有Tour Managers跟住麥當娜,佢哋周圍Search(搵),見佢跳得幾好,又問佢識唔識英文,仲問咗好多嘢,嗰兩個人嚟搵佢時係唔識佢。」甘菁菁表示其後麥當娜知道Eason是歌手也不出奇:「相信好多人事後會話佢知。」談到Eason上台跳舞時蝦碌跌倒,甘菁菁說:「當時佢冇乜點痛,仲一個蜈蚣彈,可能開心得滯唔覺痛,不過事後佢有話我聽痛嘅,不過就冇乜事。」麥當娜完騷後昨日在ig留言感謝觀眾,卻沒有提到Eason。