胡鴻鈞與李佳芯及林穎彤出席新春活動時表示，昨晚相約吳若希等打邊爐過情人節，談到女方身邊多「兵」，他說：「我係緋聞男友，身份唔同嘅。我之前客串譚嘉儀新歌MV，點知惹嚟吳若希粉絲投訴，話我哋先係一對，我遲啲拍拖唔知點算喇！」而被指將取代楊怡夥拍羅嘉良演出新劇的李佳芯，承認稍後試造型：「唔知同當初傾嘅角色有冇唔同，如果中咗就係最佳新年及情人節禮物。（第一次做女一？）依家拍緊《律政強人》已經係。」提到男友陳炳銓，她即說：「依家工作最緊要，佢係我好朋友，日後發展隨緣！」

胡鴻鈞與李佳芯出席新春活動，與小朋友合照。