岑麗香昨日出席情人節活動，獲六歲的中法混血小朋友符浩獻吻及送花。問到與男友「強強」如何度過情人節？香香說：「佢唔喺香港，下個月再見面。」問到是否第一次與男友過情人節？她說：「係呀。（冇得見會掛住？）會嘅，日子唔係最重要！」又透露準備了自製禮物給男友。

岑麗香獲混血小朋友獻花，笑得好甜呀！

陳嘉寶覺得男友是她的Mr. Right，咁快恨嫁？

另外，與男友愛得甜蜜的陳嘉寶，昨日出席活動時竟自爆回復「單身」：「我呢幾日回復單身啦，男朋友去咗新加坡出席朋友婚禮，有同男朋友講有異性埋身，佢都會呷吓醋，咁我都落閘落得好快。」又坦言男友是她的Mr. Right，希望兩人會有將來。