宅男女神黃美棋趁昨日情人節放閃，公開與緋聞男友鍾健威（Ray）的戀情！她與男友先後以「支柱」及「頂心杉」形容對方，甜到漏！她於網上發表愛的宣言向男友送驚喜：「你撐吓我時我又撐吓你，謝謝你成為我的支柱。」直認拍拖兩個月的她透過電話訪問盛讚男友：「佢幾照顧到我同教我好多嘢，好似教女咁有耐性！（特意選情人節公開？）Sweet嘅日子做啲Sweet嘅嘢，佢起身睇到應該好驚喜。」

而Ray則於網上認愛：「多謝我的頂心杉，情人節快樂！」他受訪時自爆全靠勇敢表白抱得美人歸：「好開心！係男仔做主動嘅，我靠開口表白，有諗過食檸檬，美棋都隔咗一日先應承我。」其後他更帶蛋糕探女友班，一於齊齊慶祝情人節！