名伶龍劍笙（阿刨）雖然已72歲，但依然保養得宜，原來她平日出街用膳必定帶備一支私家醋傍身，佐以餸菜，既健康又美味。問到有何養生秘方？阿刨說：「冇乜秘方，飲多啲水同瞓多啲覺，仲要多做運動，我喺加拿大仲練氣功同做柔軟體操。」她表示向來食得清淡，令腸胃更清：「煎炸嘢唔食，魚、菜、湯一定有，要少肉！」至於如何養聲？她笑說：「冇事唔講咁多，我唔係特別好聲，所以少啲出聲就養到！」
阿刨教路，除了飲食要清淡，也要恒常運動保持健康！
