藝人陸浩明昨日出席商場活動,問到如何與女友Ayan過情人節,怕外出晚飯的他選擇於家中煮飯仔,卻表示純粹等食,不會下廚!他在台上望小朋友望到雙眼發光,問到是否恨生B,他直認不諱,更打算於一、兩年內結婚,又透露跟肥媽拜年時遭催婚及催買樓:「我就叫佢同我拍多兩輯(《食平D》系列),等我搵多啲外快,等樓價平多兩成就得。」提到日前在網上公開一條Key圖App片,叫網友估「餅印」的女子是家姐還是細妹,他笑指其實是他女友:「有啲人話好靚女,有啲就話嚇死人,心都寒埋。(女友睇完片咩反應?)佢好開心,連續睇咗十次。」

陸浩明與觀眾玩遊戲,見到小朋友更雙眼發光!