戀上內地男生的傅穎（Theresa），經常被媽咪及親友催婚，她笑說：「媽咪每年生日願望都希望我結婚，佢覺得我呢個年紀應該需要結婚，啲親友每年都問，幾時帶男友返嚟睇吓？我其他表兄弟姊妹差唔多結晒婚，仲有好多有小朋友。」不心急結婚的Theresa無意當猴年新娘：「有啲趕，應該唔會。」新年難得留港的她亦沒跟男友拜年：「各有各忙，大家明白。」

不滿意目前身形的Theresa，會努力做Gym和節食，希望以最佳狀態迎接連串新工作。

Theresa坦言以前的新年會吃不停，但今年甚忍口，因被導演勒令減肥：「嚟緊拍劇要着旗袍，導演叫我咪再肥，我應承佢呢個新年唔食咁多嘢。（拍拖太開心搞到心廣體胖？）我好鍾意食嘢，如果唔係做呢行，冇可能係咁嘅身形。」

場地：海港城